Odd Nordstoga til Amfiet på prestegården

Publisert

Konsertsommeren fortsetter på Søgne gamle prestegård og i kveld torsdag går

Tønes

på scenen i Amfiet klokken 20.00.


Neste torsdag, den 27. juli er det Odd Nordstogas tur. Han kommer med fullt band og i videovinduet over ser du en hilsen Nordstoga sendte Søgne gamle prestegård nylig.
Både under konserten med Tønes i kveld, og Odd Nordstoga med band neste torsdag stiller Songvaar Fyrs venner med grillmat og servering fra klokken 18.00. Åpen bar. Barn under 18 år i følge med voksne.
Fra Nordstogas biografi henter vi:
"Odd Nordstoga er fødd 10. Desember 1972 og vaks opp på garden Plassen i Vinje som yngst av fire sysken. I ungdomen var han aktiv del av det vitale folkemusikkmiljøet i Telemark. Som artist har Odd Nordstoga funne sin plass i krysset mellom populærmusikken og den norske tradisjonsmusikken. Han debuterte som plateartist med bandet Something Odd i 1997, for så i nokre år å drive meir med folkemusikken gjennom gruppa Blåmann Blåmann og i samarbeid med Øyonn Groven Myhren med prosjektet Nivelkinn som hausta spelemannspris for beste folkemusikkplate.
I 2004 slo han stort igjennom med plata Luring som ved hjelp av slageren «Kveldsong for deg og meg» selde heile 160 000 eksemplar. Etter dette kom plata Heim te mor med låtar som «Dagane» og «Frøken Franzen» omtrent på same tid som serien Jul i Svingen gjekk på NRK. Der hadde Nordstoga musikken saman med John Vinge. Same året spelte han også rolla som Fuglefanten i folkemusikkversjonen av Tryllefløyten som turnerte heile Noreg og Sverige. I 2008 gav han ut eit album bygd på tekstar av Stein Versto og Ragnar Hovland som fekk namnet Pilegrim. 
Ein ny stor kommersiell suksess kom året etter, då han i lag med Sissel Kyrkjebø gav ut juleplata Strålande Jul med ikkje mindre enn 350 000 selde eksemplar og 11 ganger platina trofè. Elias Blix-salma «Upp gledjest alle» derfrå er i dag med Nordstogas melodi teke opp i den nye salmeboka. Plata November kom året etter, og der er folkpreget for fyrste gong tona litt ned til fordel for eit litt mørkare og personleg landskap. Solsida av dette landskapet kjem til sin rett i neste plate Vaffelhjarte, som i sitt heile er inspirert av Maria Parrs bok og tv-serien med same namn. 
Songane «Bestevenn» og «Ein farfar i livet» herfrå står vel i dag som noko av det som har sett djupast merke frå Nordstogas hand. Vaffelhjarte vart feira med to utselde hus i Operaen og ein TV-konsert på NRK. Men noko Noregsturné vart det ikkje sett av plass til. Det var derimot planen heilt frå starten av på neste prosjekt. Igjen eit samarbeid med ein av Noregs store kvinnelege songfuglar, Ingebjørg Harman Bratland. Saman tok dei utgangspunkt i sin felles folkemusikalske oppvekst og laga plata Heimafrå for så å reise på turne i små grendehus, ungdomshus og liknande rundt i heile landet. 
132 konsertar på tre kvart år blei det, og det heile avslutta med to fantastiske konsertar igjen i Den Norske Opera. No jobbar Odd med å ferdigstille sitt nye album som blir sleppt til hausten. Fyrste single herfrå heiter «Kunsten å gå»
No kjem Odd og bandet David Wallumrød på orgel, Tor Egil Kreken på bass, Torstein Lofthus på trommer og Øyvind Blomstrøm. Med på lasset kjem også at han spelte inn nokre låtar heime i akkustisk versjon.
Dette blei så fint, tykte både katten hans og plateselskapet, at dei blei utgitt. 
Plata heiter sjølvsagt ”Aleine heime”"
Sist oppdatert 26.07.2017 klokken 13:22 av Nicolai Prebensen
Odd Nordstoga til Amfiet på Søgne gamle prestegård torsdag 27. juni. (Foto: Pressefoto)
Powered by Labrador CMS